Msondo Ngoma Music Band Yatwaa Tuzo Ya The Best Rhumba Group

BENDI ya muziki ya Msondo Ngoma, imepata TUZO ya The Best Rhumba Group katika mashindano ya East Africa Music Awards yaliyofanyika jijini Nairobi nchini Kenya. Mashindano hayo yalijumuisha bendi za Afrika Mashariki. Bendi ya Msondo ilibuka Kidedea katika mashindano. Akithibitisha ushindi huo meneja wa bendi hiyo Saidi Kibiriti, alisema wameshinda tuzo hiyo na watahakikisha wanaionesha kwa mashabiki wa bendi hiyo ili kudhihrisha kuwa bendi ipo ng'ang'ari popote na bendi imekamilika kila idara. Bendi hiyo inaanza mazoezi leoJumatatu kwa ajili ya kujiandaa na sikukuu ya Iddi inayotarajia kufanyika wiki. Ikiwa kambini Msondo Ngoma Music Band, itavisuka vibao vipya sambamba na kuvifanyia kazi vile vya Zamani Msemaji wa Bendi hiyo, Rajabu Mhamila (Super D) alisema bendi hiyo siku ya Iddi Mosi itapiga katika viwanja vya TTC Chang'ombe ambapo mashabiki watapata kuona tuzo hiyo ya Afrika Mashariki walioitwaa hivi karibuni. Kwa sasa Bendi ya Msondo Ngoma, inatamba na vibao vyake vipya vya Suluu, wimbo uliotungwa na Shabani Dede na Nadhili ya Mapenzi, uliotungwa na Juma Katundu