Waziri wa Viwanda na Biashara Dkt Cyril Chami akiwa katika mazungumzo na kiongozi wa kundi la wafanyabiashara kutoka Japan waliomtembelea ofisini kwake jijini dsm leo. Wafanyabiashara hao wameonesha nia ya kuwekeza katika maeneo mbali mbali nchini.
Kutoka kulia waliosimama ni Balozi wa Japan hapa nchini Bw Hiroshi Nakagawa na Waziri wa Viwanda na Biashara Dkt Cyril Chami wakiwa katika picha ya pamoja na wawekezaji kutoka Japan na Viongozi wa Wizara ya Viwanda na Biashara.
Waziri wa Viwanda na Biashara Dkt Cyril Chami, amekutana na kundi la wafanyabiashara kutoka nchini Japan liitwalo Maruben lenye nia ya kuwekeza katika maeneo mbali mbali hapa nchini.
Ujumbe huo umeongozwa na mwenjeji wao, Balozi wa Japan hapa nchini Bw Hiroshi Nakagawa aliyewahakikishia wafanyabiashara hao kuwa, Tanzania ni nchi nzuri, yenye amani, utulivu na watu wenye nia thabiti ya kujiletea maendeleo.
Akizungumza na ujumbe huo, Waziri Chami amesema, Tanzania inaona furaha kuendelea kushirikiana na Japan katika maeneo mbalimbali kutokana na uhusiano wa kihistoria uliopo baina ya nchi hizi mbili.
Aidha,Dkt Chami amawakarisha wawekezaji hao kuja nchini na kushirikiana na watanzania katika kutumia vyema rasimali zilizopo kwa faida ya pande zote. Maeneo ambayo wawekezaji hao wameonesha nia ya kuwekeza ni pamoja na Nishati, Miundombinu na miradi ya kiuchumi.
